Ким-кимга қарши? Тошкентдаги бокс кечасида ҳамюртларимизга кимлар рақиблик қилади?

Унга кўра, оқшомнинг асосий кардида рингга кўтариладиган боксчимиз Муроджон Аҳмадалиев WBA/IBF камарларини япониялик мажбурий даъвогар Риосуке Ивасадан ҳимоя қилади. Маълумот учун, 31 ёшли Иваса шу кунгача 30 та (27 та ғалабадан, 17 та нокаут) жанг ўтказиб, 3 маротаба мағлуб бўлган (2 марта нокаутга учраган). Бу тўқнашув 12 раунд бўлиши белгиланган.

Шаҳрам Ғиёсов эса россиялик Иса Чаниев(14-3, 6 КО)дан WBА International камарини ҳимоя қилади. Жанг 10 раундга мўлжалланган.

Хасанбой Дўсматов Алексис Диаз (25-2, 17 КО)га қарши жанг қилади. Ҳамюртимиз 33 ёшли венесуэлалик рақиби билан 10 раунд курашиши белгиланган. Ушбу жанг ҳам минтақавий камарлардан бири учун ўтказилиши кутилмоқда. 

Проф боксда дебют қилаётган иқтидорли чарм қўлқоб устамиз Иқболжон Холдоров украиналик 20 ёшли Володимир Хордиенко билан 6 раунд жанг қилади. Хордиенко шу кунгача проф боксда 11 марта рингга чиққан. 8 та ғалабага эга ва 3 марта мағлубиятга учраган.

Бундан ташқари, оқшомнинг бошқа қаҳрамонлари Миразизбек Мирзаҳалилов, Исроил Мадримов, Элнур Абдураимов, Санжар Турсунов, Баҳодир Жалоловнинг рақиблари номи ҳали маълум эмас.

Ушбу жанг оқшоми Жисмоний тарбия ва спорт вазирлиги, Миллий Олимпия Қўмитаси, Ўзбекистон бокс федерацияси, "Matchroom Boxing" промоутерлик компанияси ҳамда DAZN платформаси ҳамкорлига ташкил этилмоқда.

Эслатиб ўтамиз, юртимизда илк бор ташкил этилаётган профессионал бокс оқшоми 3 апрель куни муҳташам "Ҳумо Арена"да бўлиб ўтади.