28 июн 10:11
Янгиликлар

Бокс/ММА

Головкин — "Канело" трилогияси учун чипталар сотуви бошланди + ФОТО

Теглар : Сауль Альварес Геннадий Головкин

Хабарингиз бор, 17 сентябрь куни АҚШнинг Невада штати Лас-Вегас шаҳрида кутилган бокс оқшоми бўлиб ўтади.

Оқшомнинг марказий жангида қозоғистонлик боксчи Геннадий Головкин (42-1-1, 37 КО) ҳамда мексикалик Сауль Альварес (57-2-2, 39 КО) ўзаро тўқнаш келади. Кеча боксчилар трилогия олдидан АҚШдаги катта стадионда ўзаро кўз уриштириш маросимида юзма-юз келишди.

"Нью-Йоркда матбуот анжумани. Чипталар эса сотувга чиқди, уларни олиб кетишингиз мумкин", — дея ўзининг Instagram саҳифасида сурат ва унинг остида изоҳ қолдирган GGG.

Чипталарнинг энг арзони 305 доллардан бошланади. Энг қиммат чипта 5,005 доллар этиб белгиланган. Боксчилар ўртасидаги учинчи жанг ғолиби суперўрта вазн тоифасида мутлақ жаҳон чемпионига айланади. Бокс оқшоми 17 сентябрь куни Лас-Вегасдаги "T-Mobile Arena"да бўлиб ўтади.