11 ноя 10:45
Янгиликлар

Бокс/ММА

UFC'га ўта олмаган Анвар Бойназаровнинг навбатдаги рақиби ва жанг санаси маълум бўлди

Анвар Бойназаров октагонга қайтмоқда.

Ўзбекистонлик ММА жангчиси, собиқ муай-тай устаси Анвар Бойназаров (3-1)нинг навбатдаги жанги бўйича тафсилотлар маълум бўлди.

Унга кўра, ҳамюртимиз америкалик UFC жангчиси Хорхе Масвидаль эгалик қилувчи IKON Fighting Championship лигасида жанг қилади. Бойназаровнинг жанги 2 декабрь куни Орландода бўлиб ўтади. Ўша куни Анварга тожикистонлик Беҳзод Усмонов (10-4) рақиблик қилиши кутилмоқда.

Қайд этиш лозим, бу Анвар Бойназаров учун янги промоушендаги илк жанг ҳисобланади. У ўзининг сўнгги жангини UFC'га йўлланма берувчи — Dana White Contender Series турнирида венесуелалик Эрик Сильва (8-2)га қарши ўтказиб, илк раунддаёқ техник нокаут билан мағлуб бўлган эди.