Бокс. Жаҳон чемпионати. Вакилларимиз 1 та олтин, 3 та кумуш ва 2 та бронза билан қайтадилар

Боксчиларимиз учун жаҳон чемпионати якунланди. Вакилларимиз ушбу ЖЧда 1 та олтин, 3 та кумуш ва 2 та бронза медалини қўлга киритдилар.

Сайтимиз орқали финал жанглари матнли трансляция қилинди.

ҒАЛАБАААА! НИҲОЯТ!!!! ШАҲРАМ ҒИЁСОВ ЖАҲОН ЧЕМПИОНИ!

Шаҳрам биринчи раундни ўз фойдасига ҳал қилди. Хар ҳолда биз шунақа ўйлаймиз... Ҳакамларнинг фикрини эса билмаймиз.

Шаҳрам Ғиёсов рингга чиқиб келди. Вакилимизга омад тилаймиз. Жанг бошланди!

Бироздан сўнг Шаҳрам Ғиёсов ринга кўтарилади. Бор умидимиз ундан!

Афсуски вакилимиз тажрибали рақибига имкониятни бой бериб қўйди ва ЖЧ кумуш медали билан кифояланди.

Жанг бошланди! 

Иқболжон Холдоровнинг жанги бошланмоқда. Унга ҳам кубалик боксчи рақиблик қилади. Спортчимизга омад тилаймиз.

Жасурбек Латиповга кумуш медаль топширилди.

-56кг вазн тоифасида бизнинг Муроджонни ЖЧдан чиқариб юборган қозоғистонлик Қайрат Ералиев олтин медаль соҳибига айланди. Қўшниларимизни табриклаймиз.

Айни паллаларда Дўсматовга кумуш медаль топширилмоқда.

Яна бир мағлубият... Яна бир кумуш медаль... 

Жасурбек Латиповнинг жанги якунланди. Жанг давомида вакилимиз бир маротаба нокдаун ҳолатига тушиб қолди. 

Латипов иштирокидаги жангнинг биринчи раунди якунланди. Раунд якунлари борасида хеч нарса дея олмаймиз... Жимгина спортчимизга мухлислик қиламиз.

На чора... Энди бошқа боксчиларимизга мухлислик қиламиз ва улардан олтин медаль кутамиз!

ЭХХХ... ЛАЪНАТИ КУБАЛИККА ЖАҲОН ЧЕМПИОНЛИГИНИ ТАҚДИМ ЭТИШДИ... ДЎСМАТОВ ҒАЛАБА ҚОЗОНГАНДИ...

ЖАНГ ЯКУНЛАНДИ!

Иккинчи раунд якунланди. Бу раундда устунлик бироз Ҳасанбой томонда бўлди.

Биринчи раунд тенг курашлар остида кечди.

Эслатиб ўтамиз, спортчимиз уни Бутунжаҳон бокс серияси доирасида Самарқандда бўлиб ўтган жангда мағлубиятга учратганди.

Ҳасанбой Дўсматовнинг жанги бошланди! Олға, Ҳасанбой!

Жанглар бошланмоқда!

Бугунги режаларимиз қуйидагича кўриниш олган: 

21:00.   49 кг. Ҳасанбой Дўсматов - Йоан Аргилагос (Куба)

21:20.   52 кг. Жасурбек Латипов - Йосбани Веитиа (Куба)

22:20.   64 кг. Иқболжон Холдоров - Энди Круз Гомес (Куба)

22:40.   69 кг. Шаҳрам Ғиёсов - Рониель Иглесиас (Куба)

Ундан сўнг эса Жасурбек Латипов, Иқболжон Холдоров ва Шаҳрам Ғиёсовлар жаҳон чемпионлиги унвони учун рингга кўтариладилар. Ушбу жангларнинг барчасида вакилларимизга кубалик боксчилар рақиблик қиладилар. 

Бугун биринчи бўлиб Ҳасанбой Дўсматов ўзининг кубалик рақиби Йоаннис Аргилагосга қарши жанг ўтказади.

Боксчиларимизнинг иштирокларига оид натижаларни ушбу саҳифа орқали кузатиб боришингиз мумкин бўлади.

Ассалому алайкум хурматли бокс мухлислари. Бугун Германиядаги жаҳон чемпионатида бокс бўйича финал жанглари ўтказилади. Финалларда тўрт нафар боксчимиз иштирок этади.