22 сен 10:53
Янгиликлар

Теннис

Сеул WTA 250: Илк даврадаёқ ўзбек дербиси гувоҳи бўлдик

Теглар : Камилла Раҳимова Полина Кудерметова

Корея Республикаси пойтахти Сеулда теннис бўйича аёллар ўртасида WTA 250 тоифасидаги Korea Open турнири бўлиб ўтмоқда.

Мусобақада Ўзбекистон вакилалари Камилла Раҳимова ҳамда Полина Кудерметова ҳам иштирок этиши белгиланганди.

Афсуски, қуръа икки теннисчимизни биринчи даврадаёқ тўқнаш келтирди. Уч сет давом этган муросасиз беллашувда Камилла 2:1 (7/6(4), 4/6, 7/5) ҳисобида зафар қучди.

Раҳимованинг нимчорак финал босқичидаги рақибаси энди 24 яшар америкалик Кэти Волньейц бўлади.

Таққослаш учун, 25 ёшли ҳамюртимиз айни дамда дунё рейтингида 76, Вольнейц эса 77-ўринда бормоқда. Ўйин эртага тонгги 6:00 да бошланиши режалаштирилган.