22 сен 15:27
Янгиликлар
Бокс/ММА
Хамза Шираз WBO чемпионлик камаридан воз кечди
Британиялик боксчи Хамза Шираз WBO чемпионлик унвонидан ихтиёрий равишда воз кечиб, қозоғистонлик Жанибек Алимханулига қарши мажбурий ҳимоя жангини ўтказмасликка қарор қилди.
Жаҳон бокс ташкилоти (WBO) расман британиялик боксчи Хамза Шираз иккинчи ўрта вазн тоифасидаги жаҳон чемпиони ваколатларидан воз кечганини маълум қилди.
Queensberry Promotions промоутерлик компанияси WBO раҳбариятини Ширазнинг қозоғистонлик боксчи Жанибек Алимханулига қарши чемпионлик унвонини мажбурий ҳимоя қилишдан воз кечиш ҳақидаги қарори тўғрисида хабардор қилди. Алимханули мазкур чемпионлик камарининг расмий даъвогари эди.
Шу тариқа, Жанибек Алимханули WBO’нинг тўлақонли чемпионлик камари учун курашда ўз мавқеини янада мустаҳкамлади.
Эслатиб ўтамиз, 27 ёшли Шираз май ойида Алем Бегични мағлуб этган ҳолда ушбу йўналиш чемпионига айланганди.
Ҳавола :
Манба : WBO
Фикрлар