Ашхобод. Ўзбекистонлик спортчиларнинг иштирокларидан онлайн якунланди

21:17. Шу тариқа бугунги онлайнимиз якунланди. Эътиборингиз учун раҳмат.

21:14. Оғир вазнли курашчимиз Мўминжон Абдуллаев бронза учун баҳсда тожикистонлик Суҳрож Азизовни мағлубиятга учратди ва бронза медалини қўлга киритди.

20:49. Футзалчиларимиз 1:7 ҳисобида ютқаздилар ва навбатдаги кумушни Ўзбекистон делегацияси ҳисобига қўшиб қўйдилар.

20:20. Кикбокчимиз Жавоҳир Элбоев ҳам финалда эронлик рақибига ютқазиб қўйди. Яна кумуш...

19:54. Курашчимиз Нурбек Ҳошимбеков афсуски бронза учун жангда ютқазиб қўйди...

19:45. Самбода сўнгги жангимиз. Санжар Неъматов қозоғистонлик рақибидан устун келди ва бронза медалини қўлга киритди.

19:30. Футзал терма жамоамизнинг ўйинидан матнли трансляцияни қуйидаги саҳифа орқали кузатиб боришингиз мумкин бўлади > > > "Ашхобод-2017". Финал. Эрон - Ўзбекистон LIVE

19:22. Афсуски футзалчиларимиз дастлабки дақиқалардаёқ гол ўтказиб юбордилар... 0:1.

19:20. Футзалчиларимиз бошлашди. Омад!

19:16. Самбо. Улуғбек Раҳмонов қирғизистонлик Павел Гончаровдан устун келди. Навбатдаги бронза.

19:00. Курашчимиз Арам Варданян бронза учун жангда қирғизистонлик Руслан Царевни мағлуб этди ва яна бир бронзани Ўзбекистон делегацияси ҳисобига қўшиб қўйди.

18:55. Футзал бўйича баҳсларда Япония терма жамоаси Афғонистонни пеналтилар сериясида мағлубиятга учратиб, учинчи ўринни қўлга киритди. Бироздан сўнг бизнинг азаматлар эронлик рақибларига қарши ўйинни бошлайдилар.

18:53. Самбочиларимиздан яна бир бронза. Гулмира Исматова мўғулистонлик рақибини мағлубиятга учратди ва ҳисобимизга яна бир медаль қўшиб қўйди.

18:41. Кикбоксчимиз Жаҳонгир Ҳусанов финалда эронлик рақибига ютқазиб қўйди. Афсус. Кумуш медаль...

18:36. Самбочи Зафар Аллаберганов қозоғистонлик рақибини мағлубиятга учратиб ОЛТИН МЕДАЛЬ соҳибига айланди.

18:33. Рио Олимпиадаси совриндори Елмурат Тасмурадов хитойлик Жинхин Донгдан устун келди. Яна битта бронза!

18:07. Эркин курашчиларимиз бошладилар. Исломжон Баҳромов туркманистонлик спортчини мағлубиятга учратиб, бронза медалини қўлга киритди.

17:50. Самбода бронзадан қуруқ қолдик. Жасурбек Ҳудойбердиев тожикистонлик Нозимжон Охировга ютқазиб қўйди.

17:27. Кикбоксчилар ўртасида финал жанглари соат 18:00дан сўнг бошланади. Бизнинг икки нафар вакилимиз ушбу финалларда қатнашади. Жаҳонгир Расулов учинчи бўлиб рингга чиқади. Жавоҳир Элбоевнинг жанг эса кечанинг олтинчи тўқнашуви ҳисобланади. Икки спортчимизга ҳам эронлик кикбоксчилар рақиблик қиладилар.

17:23. Самбочи Маликабону Мирзаевадан бронза. У ливанлик Леа Фархатни мағлубиятга учратиб, ҳисобимизга навбатдаги медални қўшиб қўйди.

17:08. Самбо. Толмас Туклиев афғонистонлик рақибини мағлубиятга учратиб, бронза медалини қўлга киритди.

16:50. Бироздан сўнг самбочиларимиз медаллар учун жангларни бошлайдилар.

15:40. Футзалчиларимизнинг Эрон терма жамоасига қарши финал ўйини соат 19:00да бошланади.

15:10. Сайтимизга кеча баҳсларда қатнашган спортчиларимизнинг иштирокидан ФОТОГАЛЕРЕЯ жойлаштирилди. Томоша қилишингиз мумкин.

Ашхобод. Самбочиларимизнинг 25 сентябрь кунги иштирокларидан ФОТОГАЛЕРЕЯ

Ашхобод. Оғир атлетикачи Рустам Джангабаев олтин медаль соҳиби ФОТОГАЛЕРЕЯ

Ашхобод. Эркин курашчиларимизнинг иштирокидан ФОТОГАЛЕРЕЯ

Ашхобод. Рақсчиларимизнинг чиқишларидан ФОТОГАЛЕРЕЯ

14:25. Юнон-рум курашчиларимиз фақат бронза медали учун жангда иштирок этадилар.

-59кг: Исломжон Баҳромов - Сейдилла Тазаев (Туркманистон)

-66кг: Елмурат Тасмурадов - Жинхин Донг

-71кг: Арам Варданян - Руслан Царев (Қирғизистон)

-80кг: Нурбек Ҳошимбеков - Асхат Дилмуҳаммедов (Қозоғистон)

130кг: Мўминжон Абдуллаев - Суҳрож Азизов (Тожикистон)

14:10. Нурбек Ҳошимбеков ҳам ярим финалда ютқазди. Эххх...


14:02. Оғир вазнли спортчимиз Мўминжон Абдуллаев ҳиндистонлик рақибга қарши жангни 2:2 ҳисобида якунлади. Аммо, финалга чиқа олмади.


13:50. Елмурат Тасмурадов ярим финалда қозоғистонлик спортчига ютқазиб қўйди. Афсус...

13:39. Исломжон Баҳромов бронза медали учун бўлиб ўтадиган жангда иштирок этиш ҳуқуқини қулга киритди.

13:10. Юнон-рум кураши. Нурбек Ҳошимбеков афғонистонлик спортчини мағлубиятга учратди ва ярим финалга чиқди.

13:07. Самбо бўйича саралаш жанглари якунланди. Ушбу баҳсларда фақатгина Зафар Аллаберганов финалга чиқди. Толмас Туклиев, Маликабону Мирзаева, Жасурбек Худойбердиев, Гулмира Исматова, Улуғбек Раҳмонов, Санжар Неъматов каби спортчиларимиз бронза медаллари учун жангларда иштирок этадилар.

13:03. Эркин курашчимиз Арам Варданян ярим финалда эронлик рақибига ютқазиб қўйди. Энди у бронза медали учун жанг қилади.

12:55. Елмурат Тасмурадов ироқлик рақибни мағлубиятга учратиб, ярим финал йўлланмасини қўлга киритди.

12:49. Оғир вазнли курашчимиз Мўминжон Абдуллаев ҳам ярим финал иштирокчисига айланди. Чорак финалда тожикистонлик рақиб мағлуб этилди.

12:24. Арам Варданян ироқлик рақибини 5:2 ҳисобида мағлубиятга учратиб, ярим финалга йўл олди.

12:14. Елмурат Тасмурадов туркманистонлик рақиб устидан 14:8 ҳисобида ғалаба қозонди.


12:08. Мўминжон Абдуллаев иорданиялик рақибини 7:0 ҳисобида мағлубиятга учратди.

11:50. Бироздан сўнг Мўминжон Абдуллаев ҳамда Елмурат Тасмурадовлар ўз иштирокларини бошлайдилар.


11:44. Арам Варданян туркманистонлик спортчига қарши жангда 3:3 ҳисобидаги натижани қайд этди ва кейинги босқичга йўл олди.


11:38. Юнон-рум кураши. Исломжон Баҳромов илк жангида эронлик рақибга ютқазиб қўйди...

Бугун Ашхободдаги Осиё ўйинларида ўзбекистонлик спортчилар қуйидаги спорт турлари бўйича мусобақаларда иштирок этадилар:

Шахмат
РақсСпорт
Футзал
Кикбокс
Самбо
Юнон-рум кураши