Аббосбек Файзуллаевга "Бавария" қизиқиш билдирди, буни унинг агенти тасдиқлади

"Бавария" расмийлари Аббосбек Файзуллаев бўйича қўнғироқ қилди, улар футболчини аниқ сотиб олиш ҳақида гапиришмади. Шунчаки, футболчининг трансфер статуси ҳақида маълумот олишди, Аббос уларнинг скаутлар рўйхатида бор. Улар футболчининг нархи ва шартномаси ҳақида сўрашди", — деди Герман Ткаченко.

Эслатиб ўтамиз, Файзуллаев ўтган йилнинг ёзида ЦСКА сафига кўчиб ўтганди. Ҳамюртимиз ўтган мавсум барча мусобақаларда 32 та учрашувда майдонга тушди. У шу вақт оралиғида 5 та гол урди ва 14 та голга ассист қилди.