20 май 10:41
Янгиликлар

Бокс/ММА

Абдел-Азиз Махачев - Усман жанги ўтказилишини айтмоқда

Таниқли менежер Али Абдел-Азиз P4P UFC рейтинги пешқадами Ислам Махачев ҳамда яримўрта вазнда собиқ UFC чемпиони Камару Усман ўртасида жанг ташкил этилиши мумкинлиги ҳақида гапирди.

Али Ислам UFC`нинг кўплаб таниқли жангчилари сингари Махачевнинг ҳам менежери ҳисобланади.

"Камару — яримўрта вазн тоифасининг барча даврлардаги энг яхши жангчиси. У Дана Уайтнинг ёқтирган жангчиси ҳисобланади. Уларнинг муносабатлари жуда яхши. Усман — ўз дивизионининг машҳур иккита жангчисидан бири. Агар Камару Баклини, Махачев эса Делла Маддаленани мағлубиятга учратса, биз кейин Ислам - Камару жангини кўришимиз мумкин. Матчмейкерлар бу жангни ташкил этишни аниқ хоҳлаб қолишади. Мен эса ўз уйимда қолиб, телевизор орқали ушбу жангни томоша қиламан. Мен ҳам бу жангнинг ўтказилиш тарафдориман", — дея Абдел-Азизнинг сўзларини келтирмоқда Sportskeeda портали.