Абдумалик Ҳалаков жаҳон чемпионатидаги асосий рақиблар ҳақида гапирди

"Инсоннинг мақсади бор экан, унга етишмагунича чарчоқ билмайди. Жаҳон чемпионатига тайёргарлик аъло даражада кетяпти. Спарринглар ўтказдик, ўз хатоларимиз устида ишладик.  Жаҳон чемпионатида рақобат кучли бўлади. Рақибни менсимасдан рингга чиқиш хато ҳисобланади. Ҳар қалай бу жаҳон чемпионати, унда осон ва кучсиз рақиблар бўлмайди. Асосий рақиблар сифатида Қозоғистон, Бразилия, Франция вакилларини айта оламан ва яна 3-4 та кучли терма жамоалар бор. Шуларнинг биринчи поғонасида биз турибмиз (кулади). 

Реванш олишим керак бўлган боксчи афсуски, мени вазнимда иштирок этмаяпти. Нима ҳам дердик, агар пешонага ёзилган бўлса, рингда учрашиб қолсак, ғалаба қозониб реванш олишга ҳаракат қиламан.

Чемпионатга бойкот берган давлатлар орасида у қадар кучли боксчилар йўқ. Битта Америка кучли, лекин океан ортида проф боксчиларнинг кучлилиги эвазига бу бойкот америкалик боксчиларга таъсир ўтказмайди", - деди Абдумалик Olamsport.com сайтига берган интервьюсида.