14 сен 07:50
Янгиликлар

Теннис

Абдураимова Батуми турнири жуфтлигида ярим финалга чиқди

Мамлакатимизнинг иккинчи ракеткаси Нигина Абдураимова Грузиянинг Батуми шаҳрида ўтказилаётган “Фьючерс” туркумига кирувчи турнирнинг жуфтлик баҳсларида ярим финал иштирокчисига айланди.

Мусобақанинг соврин жамғармаси 25 000 АҚШ долларини ташкил қилади. Нигина турнирнинг жуфтлик баҳсларида россиялик Анастасия Фролова билан бирга тўртинчи рақамли жуфтликни ҳосил қилган.

Улар чорак финалда россиялик теннисчилар - Александра Кузнецова ҳамда Алёна Тарасова ҳамкорлигини 6:3, 6:1 ҳисобида мағлуб этди. Нигина ва Анастасия финал чиптаси учун грузиялик теннисчилар Микадзе ва Шапатавага қарши баҳс олиб боради.