11 сен 08:15
Янгиликлар

Теннис

Абдураимова Батумидаги турнирда, илк рақиба анча жиддий

Мамлакатимизнинг иккинчи ракеткаси Нигина Абдураимова бугундан асосий тўр баҳслари бошланувчи “Фьючерс” туркумига кирувчи турнирда иштирок этади.

Батуми шаҳри мезбонлик қилаётган ушбу мусобақанинг соврин жамғармаси 25 000 АҚШ долларини ташкил этади. Нигинани илк даврада жиддий синов кутиб турибди.

Қуръа натижасига кўра, Абдураимова биринчи босқичда турнирнинг учинчи ракеткаси россиялик Полина Моновага қарши кортга чиқади. Нигина мусобақанинг жуфтликлар баҳсида иштирок этмайди.