Абдураимова Флорида турниридаги иштирокини якунлади

Ҳамюртимиз АҚШнинг Флорида штати Дайтона Бич шаҳрида давом этаётган “Фьючерс” туркумига кирувчи мусобақанинг ҳам яккалик, ҳам жуфтлик баҳсларида ўз имкониятини синовдан ўтказди. Мусобақанинг соврин жамғармаси 25 000 АҚШ долларини ташкил қилади.

Абдураимова яккаликнинг илк даврасида мусобақанинг иккинчи ракеткаси норвегиялик Улрикке Элкерига 3:6, 1:6 ҳисобида имкониятни бой бериб қўйдиган. Кеча у жуфтлик мусобақасида кортга чиқди.

Ҳамюртимиз Хитой Тайпейи вакиласи Чин-Вен Хсу билан тандем ҳосил қилганди. Улар илк босқичда Улрикке Элкери ҳамда беларуслик Илона Кремен тандемига 3:6, 6:7(7) ҳисобида мағлуб бўлишди.