31 авг 11:40
Янгиликлар
Теннис
Абдураимова Гуйяндаги иштирокини ғалаба билан бошлади
Хитойнинг Гуйян шаҳрида теннис бўйича соврин жамғармаси 25 минг АҚШ долларини ташкил қилувчи турнирнинг асосий тўр баҳслари давом этмоқда.
Ушбу мусобақада икки теннисчимиз Нигина Абдураимова ва Сабина Шарипова ҳам иштирок этяпти. Эътиборлиси, Нигина биринчи, Сабина иккинчи рақам остида таснифланган. Кеча Шарипова илк даврада мезбон ракетка устаси Хао Чен Тангни мағлубиятга учратган эди.
Бугун Абдураимова ҳам илк учрашувида зафар қучди. Хитойлик Зию Санга қарши кортга чиққан Нигина 1 соату 56 дақиқа давом этган учрашувда 2:6, 7:5, 6:3 ҳисобида ғалаба қозонди.
Ҳавола :
Манба : olamsport.com
Фикрлар