21 сен 07:15
Янгиликлар
Теннис
Абдураимова Питер турнири жуфтлигида ярим финалга чиқди
Россиянинг Санкт-Петербург шаҳрида соврин жамғармаси 100 000 АҚШ долларини ташкил қилувчи мусобақа давом этмоқда.
“Фьючерс” туркумига кирувчи Neva Cup 2017 турнирида мамлакатимизнинг иккинчи ракеткаси Нигина Абдураимова ҳам ўз имкониятини синовдан ўтказяпти. Яккалик баҳсларини тарк этган ҳамюртимиз жуфтликда ярим финал йўлланмасини қўлга киритди.
Россиялик Анастасия Фролова билан жуфтлик ҳосил қилган Нигина чорак финал учрашувида россиялик Ксения Ликина ҳамда британиялик Эмили Уэбли-Смит ҳамкорлигини 6:0, 6:4 ҳисобида таслим этди.
Уларнинг финал остонасидаги рақибалари тунирнинг иккинчи рақамли жуфтлиги, россиялик теннисчилар - Анна Блинкова ва Вероника Кудерметова бўлади. Нигина кеча яккалик баҳсларида турнирнинг биринчи, дунёнинг 46-ракеткаси хорватиялик Донна Векичга 6:3, 6:7(2), 1:6 ҳисобида ютқазиб қўйганди.
Ҳавола :
Манба : olamsport.com
Фикрлар