08 мар 09:07
Янгиликлар

Бокс/ММА

Абдурасул Исмоиловнинг навбатдаги рақиби ва жанг санаси маълум

Чарм қўлқоп устамиз Абдурасул Исмоиловнинг навбатдаги жанги бўйича тафсилотлар маълум бўлди.

Енгил вазн тоифасида жанг қилиб келаётган ўзбекистонлик профессионал боксчи Абдурасул Исмоилов навбатдаги жангини 11 март куни Жанубий Корея пойтахти Сеул шаҳрида ўтказади. Бу ҳақда боксчининг мураббийи Бобур Нажмиддинов хабар берди.

Ушбу жанг Fight World1 International Fight Night турнири доирасида ўтказилиб, ҳамюртимизга мўғулистонлик Очирсурен Амарсана рақиблик қилади. Бу мўғул боксчиси учун проф боксдаги дебют жанг бўлади.

Маълумот учун, Абдурасул Исмоилов профессионал рингда ҳозиргача 10 та жанг ўтказиб, 9 ғалаба ва бир мағлубият қайд этган.