24 окт 14:50
Янгиликлар

Дзюдо

Абу-Даби "Катта Дубулға". Лутфуллаев чорак финал остонасида тўхтади

Бугун БАА пойтахти Абу-Даби шаҳрида дзюдо бўйича "Катта Дубулға" туркумига кирувчи турнир бошланди.

Ушбу мусобақада Ўзбекистон терма жамоаси ҳам иштирок этмоқда. Эркаклар терма жамоаси тўлиқ, аёллар эса учта вазн тоифасида турнир медаллари ҳамда Токио-2020 Олимпиадасининг муҳим рейтинг очколари учун татамига чиқишяпти.

Афсуски, асосий умидларимиздан бири Шарофиддин Лутфуллаев ўз юришини чорак финал остонасида тўхтатишга мажбур бўлди. -60 кг вазн тоифасидаги дзюдочимиз иккинчи босқичда франциялик Лука Мхаидзедан устун келди. Лекин учинчи даврада россиялик Яго Абуладзега имкониятни бой бериб қўйди ва мусобақадаги иштирокини муддатидан аввал якунлади.