08 авг 08:02
Янгиликлар

Эшкак эшиш

Академик эшкак эшиш. Бугун Чехияда жаҳон чемпионати бошланади

Бугун Чехиянинг Речице шаҳрида академик эшкак эшиш бўйича ёшлар ўртасидаги жаҳон чемпионати старт олади.

Ушбу жаҳон чемпионатида 58та мамлакатдан ташриф буюрган спортчилар иштирок этишади. Бугун старт оладиган беллашувларда юртимиз шарафини Давржон Давронов ва Евгений Агофоновлар ҳимоя қилишади. Спортчиларимиз мураббий Толиб Исабоев қўл остида баҳсларга чиқишади.

Қайд этиб ўтиш лозимки, ҳар иккала спортчимиз ҳам октябрь ойида Аргентинада бўлиб ўтадиган III ёзги ўсмирлар Олимпия ўйинларида иштирок этадилар. Мазкур жаҳон чемпионати эшкак эшувчиларимиз учун «кичик Олимпиада»га ўзига хос тайёргарлик вазифасини ҳам бажаради.

Баҳслар 13 августга қадар давом этади.