Акбар Жўраев жаҳон чемпионатининг кумуш медали соҳиби

Эркаклар ўртасидаги баҳсларда -105кг вазн тоифасида юртимиз шарафини Акбар Жўраев ҳимоя қилди.

Эътиборлиси, Акбар ҳам ўз чиқиши орқали терма жамоамиз ҳисобига медаль қўшиб қўя олди. Ҳамюртимиз даст кўтариш баҳсларида 167кг. тошни ўзига бўйсундирди ва кумуш медални қўлга киритди. Силтаб кўтаришда эса у 202кг. тош кўтарди ва бу борада ҳам иккинчи натижани қайд этди. Иккикураш якунларига кўра эса у умумий ҳисобда 369кг. тош кўтарди ва жаҳон чемпионатининг кумуш медалига сазовор бўлди. Бу борада биринчи ўринни грузиялик Иракли Чхиедзе эгаллаган бўлса, учинчи ўрин мисрлик Муҳаммад Абдулазизга насиб қилди.

Эслатиб ўтамиз, бугун шунингдек -90кг вазн тоифасидаги аёллар ўртасидаги баҳсларда Долера Давронова иккикураш якунига кўра олтин медални қўлга киритган ва жаҳон чемпиони унвонига сазовор бўлганди.