Акбар Жўраев жамоамизнинг иштирокига чиройли якун ясаб берди

Мусобақанинг сўнгги куни энг оғир вазн тоифасидаги иштирокчилар баҳс олиб боришди. Унда -109 кг вазн тоифасида қатнашган ҳамюртимиз Акбар Жўраев ўзининг муваффақиятли иштироки билан барчага байрамона кайфият улашди.

Акбар даст кўтаришда 194 килограмм кўрсаткич билан ўзининг бу машқдаги шахсий кўрсаткичини янгилади. Силтаб кўтариш машқида эса 226 кг, икки кураш бўйича 420 килограмм натижа қайд этиб, иккинчи ўринни қўлга киритди. Вакилимиз муросасиз кечган баҳсда украиналик Дмитро Чумакка икки кураш бўйича 1 кг имкониятни бой бериб қўйди.

-109 кг:

1. Дмитро Чумак (Украина) – 421 кг (185 кг + 236 кг)

2. Акбар Жўраев (Ўзбекистон) – 420 кг (1994 кг + 226 кг)

3. Чже Ян (Хитой) – 397 кг (180 кг + 217 кг)

Шу тариқа Ўзбекистон терма жамоаси мазкур мусобақани 2 та олтин, 2 та кумуш медаллари билан якунлади. Қуйида ғолиб ва совриндор бўлган спортчиларимизни эслаб ўтамиз:

Олтин медаль:

-55 кг: Муаттар Набиева

-67 кг: Адҳам Эргашев

Кумуш медаль:

-89 кг: Сарвар Зафаржонов

-109 кг: Акбар Жўраев