Акбар Жўраев номидаги спорт мактаби очилди (ФОТО)

Очилиш маросимида Ўзбекистон Республикаси Президентининг спорт бўйича вакили Одил Абдураҳмонов, Ўзбекистон касаба уюшмалари федерацияси раиси Қудратилла Рафиков, Спорт вазири Адкҳам Икрамов, Тошкент вилояти ҳокими Зоир Мирзаев, Спорт вазири ўринбосари, Ўзбекистон оғир атлетика федерацияси раисининг биринчи ўринбосари Шахрилло Махмудов, Миллий Олимпия қўмитаси раисининг биринчи ўринбосари Отабек Умаров ва кенг жамоатчилик вакиллари ҳамда ёш спортчилар иштирок этди.

Мазкур иншоот Республика касаба уюшмалари федерацияси томонидан 25 миллиард сўм маблағ эвазига барпо этилди. 30 ўринга мўлжалланган ушбу спорт мактабида ёшлар учун барча қулай шарт-шароитлар яратилган.

Хусусан, бинода ётоқхона, ошхона, мини стадион, сауна, оғир атлетика зали, ўқув хоналари, ёпиқ турдаги бассейн ҳамда мураббийлар учун алоҳида хоналар мавжуд.

Тадбир давомида сўзга чиққанлар юртимизда спортни ривожлантириш, айниқса, ёшлар орасида соғлом турмуш тарзини кенг тарғиб қилиш борасида амалга оширилаётган ишларни алоҳида таъкидлаб ўтди.