Актау турнирида 8 та медаль қўлга киритилди

Asian Open Aktau турнирида иштирок этган Ўзбекистон терма жамоаси жами 8 та медалга эга чиқди.

Хабар берганимиздек, ҳамюртларимиздан мусобақанинг биринчи куни Муроджон Йўлдошев (-73 кг) олтин медални қўлга киритди. Финалга қадар етиб келган Ғиёсжон Бобоев (-81 кг) кумуш медалга сазовор бўлди. Қолган олти нафар дзюдочимиз эса Актаудан бронза медали билан қайтади.

Актауда шохсупага кўтарилган дзюдочиларимиз:

Олтин медаль

-73 кг: Муроджон Йўлдошев

Кумуш медаль

-81 кг: Ғиёсжон Бобоев

Бронза медаль

-48 кг: Гулнур Муратбаева 

-57 кг: Шукуржон Аминова

-57 кг: Мухлиса Ганжаева

-70 кг: Фарангиз Холмуродова

+78 кг: Рината Илматова

-81 кг: Арслонбек Тожиев

Шу тариқа, терма жамоамиз Актау турнирида 1 та олтин, 1 та кумуш, 6 та бронза медали билан умумжамоа ҳисобида Россия ва Қозоғистондан сўнг учинчи ўринни эгаллади.