“Ал Аҳли”ни мағлуб этган “Барселона” Қатарда чемпион бўлди

Унда Саудия Арабистонининг “Ал Аҳли” ҳамда Испаниянинг “Барселона” жамоалари майдонга тушишди. Учрашувда мухлислар 8та голга гувоҳ бўлишди.

Учрашувнинг биринчи бўлими дастлабки дақиқалариданоқ каталонияликлар ҳужум триоси кетма-кет голлар киритиб, ҳисобни йирик кўринишга келтирди.

Иккинчи бўлимда ҳар иккала жамоа таркибида кўплаб ўзгаришлар амалга оширилгач, жиддаликлар ҳам уч бор Масип қўриқлаётган дарвозани ишғол этишди.

Абдулфаттоҳ Асири дубл муаллифига айланган бўлса, яна бир гол “Ал Аҳли” сафида ҳаракат қилган амирлик футболчиси Умар Абдулраҳмон ҳисобига ёзилди.

“Барса”нинг иккинчи бўлимда киритган голларига эса Рафинья ва Пако Алкасер муаллифлиқ қилишди. Якунда ғолиб жамоага кубок топширилди.

“Ал Аҳли” (Саудия Арабистони) – “Барселона” (Испания) 3:5 (0:3, 3:2)

13 декабр. Доха. “Thani Bin Jassim” стадиони.

Голлар: 0:1 – 8 Суарес, 0:2 – 10 Месси, 0:3 – 16 Неймар, 1:3 – 51,  пеналтидан, Умар Абдулраҳмон, 1:4 – 55 Пако Алькасер, 1:5 – 58 Рафинья, 2:5 – 59 Асири, 3:5 – 65 Асири.

“Ал Аҳли”: Ёсир Ал Мусаилем (Аҳмад Ал Ҳарби, 46), Муҳммад Ал Фатил (Мансур Ал Харби, 46), Салман Мувашар (Али Аважи 46), Тайсир Ал Жассим (Фаҳад Ҳамад, 46), Умар Ал Сома (Муҳанад Асири, 46), Ҳусайн Ал Муғавий, Муҳаммад Шафий (Саид Ал Рубаий, 46), Луис Карлос (Умар Абдулраҳмон, 33, Волид Рашид, 62), Муҳаммад Амман (Оқил Ал Саҳби, 62), Абдулфаттоҳ Асири (Фетвадзидис, 46), Амири Курди (Амир Ал Зубайдий, 62),

“Барселона”: Яспер Силлессен (Масип, 46), Жерард Пике (Самюэль Умитити, 32), Иван Ракитич (Аленья, 61), Луис Суарес (Пако Алкасер, 32), Лионель Месси (Денис Суарес, 32), Неймар (Арда Туран, 32), Рафинья (Андреас Иньеста, 62), Хавьер Маскерано (Серхио Бускетс, 62), Люка Динь (Жорди Алба, 63), Андре Гомеш (Сержио Роберто, 46), Алеиш Видаль (Борха Лопес, 83).