30 дек 07:30
Янгиликлар

Дзюдо

Албаниядаги халқаро ўқув-машғулот йиғини якунига етди

Ўзбекистон аёллар терма жамоасининг икки етакчи вакиласи - Диёра Келдиёрова ва Гулноза Матниязова Албаниядан юртимизга қайтиб келди.

Дзюдочи қизларимиз пойтахт Тирана шаҳрида ташкил этилган халқаро машғулотлар йиғинида иштирок этишди. Албания ва Ўзбекистон терма жамоаларидан ташқари Исроил, Туркия каби мамлакат дзюдочилари ҳам машғулотларда қатнашишди.

Ушбу йиғин барча иштирокчи мамлакат терма жамоаларига 11-13 январь кунлари Доҳа шаҳрида ўтказиладиган йилнинг дастлабки IJF турнири - Қатар "Мастерс" мусобақасига тайёргарлик босқич вазифасини ўтаб берди.

Маълумот учун, Диёра ва Гулноза Албания йиғинидан олдин икки ҳафта давомида Исроилнинг Нетанья шаҳридаги халқаро машғулотларда ҳам иштирок этишган эди.