17 авг 09:10
Янгиликлар

Теннис

Албина Голландиядаги турнирда иккинчи даврага чиқди

Ўзбекистон терма жамоасига номзод теннисчи Албина Хабибулина Голландиянинг Олдензаал шаҳрида ўтказилаётган турнирнинг иккинчи даврасига йўлланма олди.

“Фьючерс” туркумига кирувчи RABOBANK Future Oldenzaal 2017 турнирининг мукофот жамғармаси 15 000 долларни ташкил қилади. Ҳамюртимиз илк босқичда италиялик теннисчига қарши кортга чиқди.

Уч сет давом этган учрашувда Хабибулина саралаш баҳслари орқали асосий тўрга етиб келган Алисе Моронини 2:6, 6:2, 7:5 ҳисобида мағлуб этди. Энди Албина чорак финал чиптаси учун германиялик Яна Мордергерга қарши баҳс олиб боради.