13 июн 10:41
Янгиликлар

Теннис

Албина Минскда ўзидан 187 поғона пастдаги теннисчига ютқазди

Беларусь пойтахти Минск шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Албина Хабибулина ҳам иштирок этяпти. Тажрибали теннисчимиз ўтган ҳафта айнан Минскда ўтган турнирда вице-чемпионга айланган эди.

Бу сафар эса у илк даврадаёқ мағлубият аламини тотиб кўришга мажбур бўлди. 25 ёшли Хабибулина уч сет давом этган учрашувда рейтингда ўзидан 187 поғона пастда турган молдовалик 18 ёшли Анастасия Детючга 5:7, 6:1, 1:6 ҳисобида имкониятни бой бериб қўйди.