16 дек 07:26
Янгиликлар

Теннис

Албина Мумбай турнири саралашини ғалаба билан бошлади

Ҳиндистоннинг Нави Мумбай шаҳрида теннис бўйича "Фьючерс" туркумига кирувчи турнирнинг саралаш баҳслари давом этмоқда.

Мукофот жамғармаси 25 000 АҚШ долларини ташкил қилувчи ушбу мусобақада тажрибали теннисчимиз Албина Хабибулина ҳам иштирок этяпти. Ҳамюртимиз рейтингдаги ўрни паст бўлгани учун иштирокини саралаш баҳсларидан бошлади.

Саралашнинг 16-ракеткаси сифатида сараланган Хабибулина илк даврада ҳиндистонлик Соҳа Садиққа қарши кортга чиқиб, рақибасини 6:4, 7:5 ҳисобида таслим этди. Бугун Албина асосий тўрга йўлланма берувчи учрашувда саралашнинг бешинчи ракеткаси, Хитой Тайпейи вакиласи Чиэ-Ю Хсуга қарши баҳс олиб боради.