28 июн 08:52
Янгиликлар

Теннис

Албина Польшадаги турнирда учинчи учрашувини ўтказди

Тажрибали теннисчимиз Албина Хабибулина Польшанинг Торун шаҳрида ўтказилаётган турнирнинг асосий тўрига йўлланма олган эди.

Мусобақанинг соврин жамғармаси 25 000 АҚШ долларини ташкил қилади. Хабибулина саралаш турнирида муваффақиятли тарзда иштирок этгани ҳолда иккита учрашувда ғалабага эришиб, асосий тўрга йўлланма олганди.

Афсуски, Албина асосий тўрнинг илк учрашувида турнирнинг биринчи ракеткаси чехиялик Барбора Крейчиковага 2:6, 0:6 ҳисобида имкониятни бой бериб, яккалик баҳсларидаги иштирокини якунлади. Энди у бор эътиборини жуфтликдаги иштирокига қаратади.

Маълумот учун, Албина саралашнинг иккинчи даврасидан баҳсларга қўшилганди. У иккинчи даврада германиялик Лаура Шмитцни 6:1, 6:3, кейин эса россиялик Нина Оляновскаяни 6:1, 6:1 ҳисобида енгиб, асосий тўрга йўлланма олган эди.