Албина Хабибулина Ҳиндистонда илк босқичда мағлуб бўлди

Афсуски, WТА таснифида 604-ўринда бораётган 25 ёшли спортчимиз яккаликнинг илк босқичдаёқ мағлубият аламини татиб кўрди. У рақибига 5:7, 4:6 ҳисобларида имкониятни бой бериб қўйди. Турнирнинг учинчи рақамли теннисчиси (Босния ва Гертсоговиния) WТА рейтингида 393 ўринда бораётган 21 ёшли Хердзелас Деага қарши 1 соат 17 дақиқа давом этган бахсда теннисчимиз 1 та эйс зарбасини амалга оширди ва 7 бор қўш хатога йўл қўйди. Рақиби эса 5 бор эйс зарбасини амалга ошириб, 8 бор қўш хатога йўл қўйди.

Бу теннисчиларнинг ўзаро илк учрашуви эди. Хабибулина жами 12та брейк-поинтнинг 5тасидан унумли фойдаланди, рақиб 15 та брейкдан 7 тасини муваффаққиятли амалга оширди. Умумий ютиб олинган очколар фарқи 61/77 рақиб фойдасига. Энди Албина бор эътиборини жуфтлик бахсларига қаратади.

Деа Хердзелас эса иккинчи даврада мезбонлар вакили Зеэл Десаига қарши кортга чиқади. Зеэл Десаи биринчи босқичда бошқа бир мезбонлар вакили Снехадеви Среддини мағлуб этди.

Ҳусниддин Мирзалиев