08 дек 11:17
Янгиликлар

Теннис

Албина Хабибулина Солапурдаги иштирокини якунлади

Ҳиндистоннинг Солапур шаҳрида теннис бўйича “Фьючерс” туркумига кирувчи турнирнинг асосий тўрт баҳслари давом этмоқда.

Соврин жамғармаси 15 000 АҚШ долларини ташкил қилувчи ушбу турнирда тажрибали теннисчимиз Албина Хабибулина ҳам иштирок этди. Ҳамюртимиз яккалик баҳсларидаги мағлубиятдан сўнг бор эътиборини жуфтликдаги иштирокига қаратганди.

Қозоғистонлик Александра Гринчишина билан учинчи рақамли жуфтликни ҳосил қилган Хабибулина финал чиптаси учун кечган учрашувда ҳам мағлубият аламини тотиб кўрди.

Албина ва Александра 43 дақиқагина давом этган ярим финал баҳсида америкалик Мая Янсен ҳамда Янги Зеландия вакиласи Эрин Рутлиффега 1:6, 0:6 ҳисобида имкониятни бой беришди.