03 июн 09:26
Янгиликлар

Бокс/ММА

Александр Поветкин: “Жошуа билан жанг кузда ўтказилади”

Супероғир вазн тоифасида WBA чемпионлик камарига расмий даъвогар Александр Поветкин куз ойларининг бирида WBA, IBF ва WBO камарлари соҳиби Энтони Жошуага қарши жанг ўтказишини маълум қилди.

Ҳозирда россиялик боксчининг жамоаси британиялик чемпионнинг промоутери Эдди Хирн билан музокара олиб боряпти. Хирннинг айтишича, агар WBC чемпиони америкалик Деонтей Уайлдер Жошуа билан бирлаштирувчи чемпионлик жангининг Буюк Британияда ўтказилишига розилик бермаса, у ҳолда Жошуа - Поветкин жанги сентябрь ойида бўлиб ўтади.

“Мен жаҳон чемпионлик камари учун расмий даъвогарга айландим. Шундай экан, Энтони Жошуа билан жанг ҳар қандай ҳолатда ҳам ўтказилиши керак. Ҳозирча жангнинг қачон ва қаерда ўтказилиши маълум эмас. Лекин катта эҳтимол билан бу жанг сентябрь ойида Англияда ташкил қилинади. Жанг муддати аниқ бўлиши билан тайёргарликни бошлайман”, - деди Поветкин.