14 апр 17:08
Янгиликлар

Теннис

Александр Зверевнинг Монте-Карлодаги юриши давом этади

Монаконинг Монте-Карло шаҳри мезбонлик қилаётган навбатдаги "Мастерс" турнири давом этмоқда.

Жаҳоннинг учинчи ракеткаси, германиялик Александр Зверев турнирнинг иккинчи даврасида АТР рейтингида 34-ўринни эгаллаб турган аргентиналик Федерико Дельбонисни 6/1, 7/5 ҳисобида мағлуб этди ва кейинги босқичга чиқди.

Учрашув 1 соату 27 дақиқа давом этди. Ушбу вақт давомида Александр тўртта эйс зарбасини амалга ошириб, бир марта тўпни ўйинга киритишда хатога йўл қўйди ва олти марта брейкдан унумли фойдаланди. Федерико эса иккита эйс, бешта қўш хато, иккита брейк қайд этди. Ўзаро учрашувларда германиялик теннисчи 3:0 ҳисобида олдинда бормоқда.

Rolex Monte-Carlo Masters мусобақасининг 1/8 финалида Зверев испаниялик Пабло Каррено-Бустага қарши баҳс олиб боради.