Алишернинг кумуши олтин бўлганида "Катта Дубулға" турнирини 4-ўринда якунлар эдик + ЖАДВАЛ

Сайёрамизнинг 4 қитъаси 63 давлатидан жами 525 нафар (312 эркак, 213 аёл) дзюдочи 3 кун давомида 14 та вазн тоифасида мусобақа медаллари ҳамда қимматли рейтинг очколари учун баҳс олиб борди. Улар орасида Ўзбекистон терма жамоасининг 17 нафар дзюдочиси ҳам муросасиз кечган беллашувларда татамига чиқди. 

Терма жамоамиз таркиби:

АЁЛЛАР

-48 кг: Халимажон Қурбонова

-52 кг: Диёра Келдиёрова 

-57 кг: Шукуржон Аминова 

-57 кг: Нилуфар Ермаганбетова 

-70 кг: Гулноза Матниязова 

-70 кг: Шоҳиста Назарова

-78 кг: Ирисхон Қурбонбоева

ЭРКАКЛАР

-60 кг: Кемран Нуриллаев

-60 кг: Дилшод Баратов

-66 кг: Сардор Нуриллаев

-73 кг: Шаҳрам Аҳадов

-73 кг: Муроджон Йўлдошев

-81 кг: Шарофиддин Болтабоев

-81 кг: Мусо Собиров

-100 кг: Музаффарбек Тўрабоев

+100 кг: Ўткирбек Тўрабоев

+100 кг: Алишер Юсупов 

Якунда 2 та кумуш, 3 та бронза медалини қўлга киритган жамоамиз 63 давлат орасида 13-ўринни эгаллади. Агар Диёра Келдиёрова ёки Алишер Юсуповнинг кумуш медали олтин бўлганида, Ўзбекистон Анталия "Катта Дубулға" турнирини соф 4-ўринда якунлар эди. 

Кумуш медаль соҳиблари

-52 кг: Диёра Келдиёрова

+100 кг: Алишер Юсупов

Бронза медаль соҳиблари

-60 кг: Дилшодбек Баратов

-66 кг: Сардор Нуриллаев 

-81 кг: Шарофиддин Болтабоев 

Грузия терма жамоаси 2 та олтин ва 2 та кумуш медаль билан умумжамоа ҳисобида биринчи ўринни эгаллади. Франция терма жамоаси 2 та олтин ва 1 та кумуш медаль билан иккинчи бўлди. Кучли учликка Бразилия 1 та олтин, 1 та кумуш ва 4 та бронза медали билан якун ясаб берди. Анталия татамиларида 23 давлат терма жамоалари камида 1 та медаль қўлга киритди. 

Таққослаш учун, Ўзбекистон терма жамоаси ўтган йилнинг 1-3 апрель кунлари ўтказилган Анталия "Катта Дубулға" турнирида битта олтин медални қўлга киритганди. Ўшанда Диёра Келдиёрова барча рақибаларини енгиб, чемпионлик шоҳсупасига кўтарилган эди. Ҳамюртларимиздан Гулноза Матниязова 5, Муҳаммадкарим Ҳуррамов ва Алишер Юсупов 7-поғонадан жой олишганди.