02 окт 08:17
Янгиликлар
Теннис
Алмати “Челленжер”. Бугун Ҳумоюн ва Жўрабек ҳам бошлашади
Қозоғистоннинг Алмати шаҳрида теннис бўйича “Челленжер” туркумига кирувчи турнирнинг асосий тўр баҳслари давом этмоқда.
Соврин жамғармаси 50 000 АҚШ долларини ташкил қилувчи ушбу турнирда ҳамюртларимиз - Денис Истомин, Жўрабек Каримов ва Ҳумоюн Султонов ҳам иштирок этяпти. Мусобақанинг биринчи ракеткаси бўлган Истомин кеча илк даврада португалиялик Фредерику Сильвани 6:3, 7:5 ҳисобида мағлуб этди.
Бугун эса истеъдодли теннисчиларимиз биринчи босқич баҳсида кортга чиқишади. Саралаш турнирида уч нафар рақибини мағлуб этиб асосий тўрга етиб келган Ҳумоюн Султонов мисрлик Муҳаммад Сафватга қарши баҳс олиб боради. Имтиёзли йўлланма асосида асосий тўрга қўйилган Жўрабек Каримов эса португалиялик Гонсало Оливейрога қарши кортга чиқади.
Ҳавола :
Манба : olamsport.com
Фикрлар