Амалдаги US Open чемпиони 1/16 финалдаёқ мағлубиятга учради

Мусобақанинг амалдаги ғолиби, дунёнинг иккинчи ракеткаси бўлиб турган Новак Жокович 1/16 финалдаёқ мағлубият аламини тотиб кўрди. Сербиялик теннисчи ATP рейтингида 28-ўринни эгаллаб турган австралиялик Алексей Попиринга имкониятни бой бериб қўйди - 4/6, 4/6, 6/2, 4/6.

Новак ўзаро учрашувларда илк бор Яшил қитъа вакилиги ютқазиб қўйди - 1:3. Уч соату 20 дақиқа давом этган баҳсда Жокович 16, Попирин 15 та эйс зарбасини амалга оширган. Новак оз эмас, кўп эмас, 14 та қўшхатога йўл қўйди. Алексейда бу кўрсаткич 6 тани ташкил қилди. Брейклар бўйича устунлик ғолиб теннисчи томонида бўлди - 5 га 4!