18 мар 13:35
Янгиликлар

Бокс/ММА

Дана Уайт Александр Усик билан шартнома имзоламоқчи

UFC президенти Дана Уайт супероғир вазн тоифасида жаҳон чемпиони Александр Усикни ўзининг Zuffa Boxing компаниясига олиб келмоқчи.

"Жаҳон чемпиони ёки дунёнинг энг яхшиси бўлиш имкониятига эга бўлганларнинг бари билан шартнома имзолашни мақсад қилганман. Мен Александр Усикни дунёдаги энг яхшилардан бири деб биламанми? Ҳа, шубҳасиз!

Биз бу бизнесни бошлаганимизда ҳазилга ўхшарди. Баъзи промоутерлар ўзларини жуда ёмон кўрсатишди. Биз чиндан ҳам бу йил UFC’даги каби боксда ҳам 44 та шоу ўтказишимиз керак", - деди Уайт матбуот анжуманида.

Эслатиб ўтамиз, 39 ёшли Александр Усик профессионал рингда бирор марта ҳам мағлубиятга учрамаган. Унинг навбатдаги рақиби нидерландиялик афсонавий кикбоксчи Рико Верховен бўлади. Жанг Мисрда бўлиб ўтади.

Zuffa Boxing - Дана Уайт томонидан ташкил этилган янги промоутерлик компанияси ҳисобланади.