18 мар 12:53
Янгиликлар

Теннис

Miami Open. Раҳимова саралашнинг финал учрашувида кортга чиқди

АҚШнинг Майами шаҳрида WTA 1000 тоифасига кирувчи, мукофот жамғармаси 9 млн 415 минг 725 долларни ташкил қилувчи нуфузли турнирнинг саралаш баҳслари якунланди.

Мусобақанинг саралаш баҳсларида мамлакатимизнинг биринчи ракеткаси Камилла Раҳимова 1/2 финалда франциялик Леолия Жанжанни 6/7(1), 7/5, 6/0 ҳисобида мағлубиятга учратганди.

Афсуски, асосий тўрга йўлланма берган финал учрашувида у дунёнинг 68-ракеткаси, австралиялик 21 ёшли Талиа Гибсонга имкониятни бой бериб, турнирдаги иштирокини якунлади. Тўқсон саккиз дақиқа давом этган баҳсда Гибсон 6/3, 6/4 ҳисобида зафар қучди.

Таққослаш учун, Камилла Раҳимова WTA рейтингида 82, Гибсон 68-ўринни эгаллаб турибди. Бу теннисчиларнинг ўзаро ўтказган илк учрашуви бўлди.