18 мар 18:01
Янгиликлар

Теннис

Камилла Раҳимова "лаки-лузер" сифатида асосий тўрга қўйилди, бугун у 1/64 финалда кортга чиқади

АҚШнинг Майами шаҳрида давом этаётган WTA 1000 тоифасига кирувчи, мукофот жамғармаси 9 млн 415 минг 725 долларни ташкил қилувчи нуфузли турнирда бугун асосий тўр баҳслари старт олади.

Мусобақанинг саралаш баҳслари финал учрашувида мамлакатимизнинг биринчи ракеткаси Камилла Раҳимова дунёнинг 68-ракеткаси, австралиялик 21 ёшли Талиа Гибсонга 3/6, 4/6 ҳисобида имкониятни бой бериб қўйганди.

Қизиғи, вакиламиз саралаш баҳсларининг "лаки-лузер", яъни омадсиз омадли сифатида асосий тўрга қўйилди. Бугун Раҳимова 1/64 финал босқич учрашувида аргентиналик Солана Сиеррага қарши кортга чиқади.

Таққослаш учун, Камилла Раҳимова айни пайтда WTA рейтингида 82, Сиерра 63-ўринни эгаллаб турибди. Бу теннисчиларнинг ўзаро ўтказадиган иккинчи учрашуви бўлади ва бизнинг вақт билан соат 23:00да бошланади. Шу йилнинг 13 февраль куни Дубайда ўтказилган турнирнинг саралаш баҳсларида Раҳимова Соланани мағлубиятга учратган эди.