05 сен 13:35
Янгиликлар

Теннис

Амалдаги US Open вице-чемпиони 1/8 финалга йўл олди

Дунёнинг тўртинчи ракеткаси Александр Зверев АҚШ Очиқ чемпионатидаги юришини давом эттирмоқда.

Германиялик теннисчи 2 дақиқаси кам 2 соат давом этган учинчи давра учрашувида ATP рейтингида 184-поғонада бораётган америкалик Жек Сокни 3/6, 6/2, 6/3, 2/1 ҳисобларида мағлуб этди.

Баҳс давомида 24 ёшли Зверев 16 та, 28 яшар Сок эса 11 та эйс зарбани амалга оширган. Зверев ушбу ғалабаси билан ўзаро учрашувлардаги ҳисоб мувозанатини ҳам тиклади - 2:2. Энди US Open турнирининг амалдаги вице-чемпиони 1/8 финалда италиялик Янник Синнерга қарши кортга чиқади.