Америкалик миллиардер Франция клубини сотиб олишга яқин

Америкалик тадбиркор Жон Текстор “Лион” хўжайинига айланиши кутилмоқда. “Шерлар” якунланган мавсум Франция чемпионатини 8-ўринда тугатди.

Франция клуби ўз расмий сайтида акцияларнинг назорат пакетини “Eagle Football Holdings”га сотиш бўйича музокаралар бошланганини эълон қилди. Холдинг акцияларнинг 66,56 фоизини сотиб олишни режалаштирмоқда, келажакда эса бу улуш 88,55 фоизга ошиши мумкин.

Маълумот ўрнида, Текстор “Кристал Пэлас”нинг 40, “Ботафого” (Бразилия)нинг 90 ва “Моленбек” (Бельгия)нинг 80 фоиз акциясига эгалик қилади.