21 июн 17:35
Янгиликлар

Бокс/ММА

Амир Хан қўлқопларини михга илиш олдидан Пакьяо билан жанг қилмоқчи

Биринчи ярим ўрта вазн тоифасида собиқ жаҳон чемпиони Амир Хан фаолиятини якунлашдан олдин афсонавий Мэнни Пакьяога қарши жанг ўтказиш айни пайтдаги олий орзуси эканини айтди.

Асли келиб чиқиши покистонлик, лекин Буюк Британия шарафини ҳимоя қилувчи Амир Хан 12 июль куни ҳиндистонлик боксчи Неража Гоятга қарши рингга кўтарилади. Ушбу ўзига хос Покистон - Ҳиндистон тўқнашуви Саудия Арабистонининг Жидда шаҳрида бўлиб ўтади.

"Мэнни Пакьяо билан жангим ҳамиша муҳокамада бўлиб келган. Биз истасак, бу жангни ташкил қилишимиз мумкин. Фаолиятимдаги сўнгги жангим Пакьяога қарши кечса, бундан хурсанд бўлардим", - деди Хан.