Ана Иванович 30 ёшда + ФОТО

Ана 1987 йилда Мирослав ва Драгана Ивановичлар оиласида дунёга келган. Онаси юрист, отаси эса бизнесмен. Шунингдек, унинг укаси Милош ҳам бор.

Иванович 5 ёшидан бошлаб теннис билан шуғуллана бошлаган. Унинг кумири ватандоши Моника Селеш ҳисобланган.

Спортчилик фаолиятини 2003 йилда бошлаган. 2004 йилда ITF турниридаги илк турнирида ғалаба қозонган. Орадан бироз ўтиб эса WTA тур доирасидаги турнирларда иштирок эта бошлаган. Илк WTA турнири ғолиблигига эса 2005 йилда Канберрада эришган. Фаолияти давомида 15та турнирда ғалаба қозонган.


2008 йилда "Ролан Гаррос" ғолиби бўлганидан сўнг дунё рейтингида биринчи ўринга кўтарилиб олган.

Фаолиятидаги сўнгги турнирни у "US OPEN-2016"да ўтказди. Ўша турнирда у биринчи босқичдаёқ имкониятни бой бериб қўйганди. Декабрь ойида эса спортчилик фаолиятини якунлаши ҳақида маълум қилди.

Сўнгги йилларда унинг ҳаётида кўплаб эсда қоларли воқеликлар содир бўлди. 2016 йилнинг 12 июлида Ана футболчи Бастиан Швайнштайгерга турмушга чиқди. Айни пайтда "ёш оила" Чикагода истиқомат қилади. Бир неча ой олдин у фарзанд кутаётгани маълум бўлганди.