17 май 08:32
Янгиликлар

Бокс/ММА

Ана холос! Элнурга рақиб топилди, лекин жанг ўтказилмайди

Хабар берганимиздек, эртага, 18 май куни чарм қўлқоп устамиз Элнур Абдураимов АҚШда ўзининг профессионал боксдаги илк жангини ўтказиши керак эди.

Ҳаваскор боксда жаҳон чемпионати совриндори, Осиё чемпиони, беш карра Ўзбекистон чемпиони бўлган Абдураимовга жангга икки кун қолганида ҳам рақиб топилмаётганди. Кеча рақиб ҳам топилди. Лекин белгиланган жанг иккинчи маротаба ҳам ўтказилинмайдиган бўлди.

Бунга Элнурнинг рақиби америкалик Омар Этриджнинг тиббий кўрикдан ўта олмагани сабаб бўлди. Шифокорлар 27 ёшли Омарнинг боши билан боғлиқ жиддий муаммо борлигини сабабли унга жанг ўтказиш учун рухсат беришмади. Ҳамюртимиз эса тиббий кўрикдан муваффақиятли ўтганди.

Шу тариқа, Элнур Абдураимовнинг жанги иккинчи маротаба ҳам қолдирилди. Аслида Элнур 20 апрель куни АҚШда илк жангини ўтказиши керак эди. Лекин ўшанда рақиб топилмагани сабабли жанг бекор бўлганди.