Андрей Микляев: "Янги мавсумни ғалаба билан бошламоқчимиз"

"Янги мавсум билан барчани табриклайман. Эртанги баҳсда ғалаба қозонишни истаймиз. Айтишадику қандай бошласанг шундай давом этади. Умид қиламанки "Ал Ваҳда"ни мағлуб эта оламиз", - дейди Андрей Микляев.

"Ал Ваҳда" жамоаси Осиёда ўз ўрнига эга бўлган жамоа. Гарчи легионерларини Тошкентга олиб келмаган бўлса ҳам яхши савиядаги жамоа. Эртага чиройли ўйин кўрсатиб мухлисларимизни хурсанд қиламиз деб ўйлайман", - дейди Икром Алибоев.

- Мураббийлар штаби "Ал Ваҳда"ни етарли даражада ўрганиб чиқдими?
- Клуб ҳақида тўлиқ маълумот бор. Жамоа ўз миллий чемпионатида 20тадан ортиқ ўйиндан ютқазмай келаётганини биламиз. Таркибида кучли легионерлар ва маҳаллий футболчилар ҳам бор.

- "Ал Ваҳда" сафида 3 нафар легионер футболчиси келмагани "Локо"га қанчалик фойда бўлади?
- Бу ҳақда умуман ўйламаяпмиз, бу уларнинг муаммоси. "Ал Ваҳда" сафида маҳоратли футболчилар етарли. Андрей Фёдоров ўз вақтида Джуджакни кузатган ва Россия клубларидан бирига ўтказиши мумкин бўлган. Ҳужумда аргентиналик футболчиси бор, ҳимояда кореялик ўйинчси бор. Улар Тошкентга келмади? Нима ҳам дердим жароҳат футболнинг ажралмас қисми.

- Футболда мухлисларнинг далдаси қанчалик муҳим? Эртанги баҳсдан олдин мухлисларга нима дейсиз?
Икром Алибоев: - "Ал Ваҳда" билан ўйинга мухлислар келишини хоҳлаймиз. Бизнинг ҳам ўйинларимизда стадионимиз тўлишини истардик. 8000 минглик стадион эртага тўлса жуда ажойиб бўларди. Келинг, чиройли ўйин гувоҳи бўласиз. Насиб қилса ғалаба қозонамиз.

- "Ал Ваҳда" жамоасига қандай баҳо берасиз? Жамоа сафидаги муҳим ўйинчи ким?
- Бу жамоа жуда тартибли ўйнайди. Кўп гол урмаса ҳам ҳимояда ишончли ўйнаб натижага эришади. Муҳим ўйинчи? Ҳимояда кореялик футболчи, ярим ҳимояда Джуджак, ҳужумда аргентиналик футболчи. Қисқа қилиб айтганда яхши футболчилари кўп.

Нарзулла Сайдуллаев ёзиб олди