Андрей Рублёв Белград турнирида финалга чиқди

Дунёнинг саккизинчи ракеткаси Андрей Рублёв мусобақанинг финалига йўл олди. Россиялик теннисчи 64 дақиқа давом этган ярим финал учрашувида ATP рейтингининг 62-поғонасидан жой олган италиялик Фабио Фоньинини икки сетда ҳам бир хил ҳисобда мағлуб этди - 6/2, 6/2.

Баҳс давомида 24 ёшли Рублёв 5 та эйс, 4 та брейк-пойнтни амалга оширди. Ўзининг тўп узатишларида хатога йўл қўймади. 34 ёшли Фоньини эса 1 та эйс зарбаси билан кифояланди. Бешта қўшхатога йўл қўйгани ҳолда битта ҳам брейкни амалга ошира олмади. Теннисчиларнинг ўзаро учрашувларидаги ҳисоб мувозанати тикланди - 5:5.