Англия термаси Италия ва Германияга қарши ўйин олдидан асосий дарвозабонини йўқотди

Манбанинг хабар беришича, футболчи сон қисмидан жароҳат олган. У Англия чемпионати доирасидаги "Ливерпул"га қарши ўйинда (0:0) жабрланганди. 

Дарвозабоннинг тикланиш даври тахминан бир ойни ташкил қилади. Шу муносабат билан у Англия терма жамоасининг Миллатлар Лигаси доирасидаги Италия (23 сентябрь) ва Германия (26 сентябрь)га қарши ўйинларини ўтказиб юборишга мажбур бўлади.

28 ёшли Пикфорд 2017 йилдан бери Англия терма жамоаси шарафини ҳимоя қилиб келади. У терма жамоа сафида жами 45 та ўйин ўтказиб, 34 та гол ўтказиб юборган.