Эркин кураш бўйича Олимпиада чемпиони Махачев билан беллашиш истагини билдирди

Жордан Барроуз россиялик UFC чемпиони Ислам Махачев билан беллашишга тайёрлигини ва кураш гиламида ўз устунлигига ишончи комил эканлигини маълум қилди.

"Мен Махачевнинг Гэрри билан жангини томоша қилдим ва Ислам бир неча бор бир оёққа ҳужум қилганида, Йен қандай қилиб ҳимояга ўтганини кўрдим. Мачадо буюк курашчи эмас. Агар Ислам менинг оёғимга худди шундай ёпишса, мен уни "учириб" юбораман. Бу қизиқарли бўлади. Кураш ва ММА — булар икки хил нарса. Мен бу спорт турини ҳурмат қиламан, шунинг учун ҳам жанг қилмайман", — дея Барроузнинг сўзларидан иқтибос келтиради Ариэль Хельвани ўзининг Х ижтимоий тармоғидаги саҳифасида.

Жордан Барроуз шунингдек, олти карра жаҳон чемпиони (2011, 2013, 2015, 2017, 2021, 2022) ва уч карра жаҳон чемпионати бронза медали совриндори ҳисобланади.