Анталия "Катта Дубулға". Иккинчи кун якунига кўра кучли ўнталикдамиз!

Кеча 4 та вазн (2 та эркаклар, 2 та аёллар) тоифасида ғолиб ва совриндорлар номи маълум бўлди. -81 кг вазнда юртимиз шарафини ҳимоя қилган Шарофиддин Болтабоев мусобақа бронза медали ва 500 рейтинг очкосини қўлга киритди. Битта кумуш, 3 та бронза медалига эга Ўзбекистон 63 давлат орасида роппа-роса 10-ўринни эгаллаб турибди. 

Франция терма жамоаси 1 та олтин, 1 та кумуш, 2 та бронза медали билан умумжамоа ҳисобида пешқадамга айланиб олди. Бразилияда ҳам худди шундай кўрсаткич. Кучли учликка 1 та олтин ва 1 та кумуш медали билан Мўғулистон якун ясаган. 18 давлат терма жамоалари камида 1 та медаль қўлга киритишган.