“АПЛ раҳбарияти тезда бир қарорга келмаса, жорий мавсум натижаларини бекор қилишга тўғри келади”

“Вазият шуни тақозо қилмоқда. Сен уйда оила аъзоларинг ва яқинларинг билан ўтирганингда, спорт инсонлар билан мулоқот қилиш учун нақадар кераклигини ҳис қиласан.

Биз футболга қанчалик жиддий муносабатда бўлмайлик, у бу шунчаки ўйин. Жамоатчилик учун айни пайтда унданда муҳимроқ ишлар бор. Мен бу борада илгари ҳам гапиргандим ва ўша фикримда собит қоламан: агар АПЛ раҳбариятида вазиятдан чиқиш учун тезкор қарор қабул қилиш имкони бўлмаса, унда ушбу мавсумни бекор қилиб, ҳаммасини бошидан бошлаш лозим.

Кўп инсонлар, асосан “Ливерпуль” мухлислари мен “қизиллар”ни АПЛда ғолиб чиқишини истамаётганлигим сабаб бу фикрларни айтаётганликда айблашлари мумкин. Агар менинг жамоа худди шундай вазятга тушиб қоланида, мен ўйин ҳақида эмас, инсонлар саломатлиги ҳақида қайғурган бўлардим. Ўйлайманки, АПЛ раҳбарлари буни яхши тушуниб туришибди. Бундай қарорга келинса, айрим инсонлар норизо бўлишлари табиий. Аммо қандай қарор қабул қилишингдан қатъий назар, унга қарши чиқувчи ва норози бўлгувчилар доим топилади”, деди Фердинанд BT Sport телеканали эфирига берган интервьюсида.

Эслатиб ўтамиз, АПЛ 29-туридан кейин “Ливерпуль” 82 очко билан турнир жадвалида якка пешқадамлик қилиб турганди. “Манчестер С ити” 57 очко билан иккинчи, “Лестер” 53 очко билан учинчи поғонани банд этган.