25 окт 10:45
Янгиликлар

Бокс/ММА

АҚШда аслида Қудратилло рингга чиқиши керак бўлган жанг ўтказилди

АҚШнинг Коннектикут штати Анкасвилль шаҳрида профессионал бокс кечаси бўлиб ўтди.

Оқшомнинг марказий жанги ярим ўрта вазн тоифасида ўтказилиб, унда россиялик 31 ёшли Сергей Липинец (16-1, 12 КО) канадалик 33 яшар Кастио Клейтон (18-0, 12 КО)га қарши рингга кўтарилди.

Аслида ушбу жангда ҳамюртимиз Қудратилло Абдуқаҳҳоров Липинецга қарши рингга чиқиши керак эди. Лекин Абдуқаҳҳоров АҚШ визасини ололмади. Натижада IBF Қудратиллонинг ўрнига Клейтонни алмаштирди.

Липинец - Клейтон жанги вақтинчалик IBF камари учун кечди. Ўн икки раунд тўлиқ давом этган жангда дуранг натижа қайд этилди — 115:113 (Клейтон фойдасига), 114:114, 114:114.